ភ្នំពេញ៖ នៅព្រឹកនេះរដ្ឋមន្ត្រីក្រសួងមហាផ្ទៃ សម្ដេចក្រឡាហោម ស ខេង បានដឹកនាំថ្នាក់ដឹកនាំក្រសួងអញ្ជើញទៅគោរពព្រះវិញ្ញាណក្ខន្ធព្រះបរមរតនកោដ្ឋ នៅរូបសំណាក់ព្រះអង្គជិតវិមានឯករាជ្យ។
ការអញ្ជើញទៅគោរពព្រះវិញ្ញាណក្ខន្ធព្រះបរមរតនកោដ្ឋនៅថ្ងៃនេះ គឺដើម្បីរំលឹកដល់គុណបំណាច់របស់ព្រះអង្គដែលបានលះបង់ជូនចំពោះជាតិប្រជាជន បូរណភាពដែនដី និងឯករាជ្យជាតិខ្មែរ។
ព្រះបាទសម្តេចព្រះ នរោត្ដម សីហនុ បានយាងសោយទិវង្គតនៅព្រះជន្មាយុ ៩០ព្រះវស្សា នៅថ្ងៃទី១៥ ខែតុលា ឆ្នាំ២០១២ នៅទីក្រុងប៉េកាំង ប្រទេសចិន រហូតមកដល់ពេលនេះមានរយៈពេល៩ឆ្នាំហើយ។ រាជរដ្ឋាភិបាលបានយកថ្ងៃនេះជាថ្ងៃបុណ្យជាតិមួយដើម្បីរំលឹកដឹងគុណដល់ការលះបង់របស់ព្រះអង្គសម្រាប់ជាតិកម្ពុជា៕
